Mann main ye kaisa vicharo ka sangram hain
Kya tat-thya kya kalpana iski nahin mjhe pehchaan hain
Saathi chodd chala gaya fir bhi mann tjhe ahankaar hain
Kaun tjhe apnaaega bada nirdayi ye sansaar hain
Iss bavandar kaa sakshi tu, kaaran tu
Iss kaal ka bhogi tu, anandi tu
Kyun fir tu har taraf dekhta sansaar hain?
Jab saari shaanti yahaan antarman main hain
Nirnay tu koi leta nahin karuna tere andar nahin
Dukh tjhe bhata nahin sukh pe tu tikta nahin
Beech samundar naav bina naavik k jaise
Bina ruke bina samjhe mann tu bas bahe jaata hain
Kankadd pathar jinhe kahta tu here moti
Inke peeche pada tu khaali haath vivash hain
Pehle tu bhikshu tha par ab to tere pass poora sansaar hain
Fir kyun bazaar main khada hoke akelepan ka shikaar hain?
0 Caring People Shared Their Thoughts:
Post a Comment